الحـمـدلله .. دامـهـا جـــت عـلــى الـمــال
الــمــال مـلـحــوق... يــــروح ونـجـيـبـه
مـيـر الـبـلا لاجــات عـلـى طـيـب رجــال
يضيـع راعـي الطيـب ... ويضـيـع طيـبـه
وترى الجزء قد قيـل مـن جنـس الأعمـال
ومـــن يـنـكـر الـمـعـروف يـكـبـر عـيـبـه
لي صاحب قصر .... وانا اشبوري اطوال
ومـاهـيـب لانــمــه .. ولاهــيــب عـيـبــه
لاشــك بـعـض الـحـكـي مـاهــوب يـنـقـال
والـلـي يـخـون الـعـيـش ربـــي حسـيـبـه
يـجـيـب مـعـدالـه وانـــا اجـيــب مــعــدال
والــلــي يـجـيـبـه والله أنــــي لاأجـيــبــه
أنـــا رفـيـقــي لاعـلـيــه الــزمــن مــــال
والله انــــا مــاأرضــى عـلـيــه الغـلـيـبـه
وأنــا رفيـقـي لاصـفـق جــال فــي جـــال
غـديــت سـيـفـه فـــي مــلاقــي حـريـبــه
انـا رفيـقـي ... لـيـن ضـاقـت بــه الـحـال
أصـيــر أنــــا كــنــزه وبـنـكــه وجـيـبــه
يبـشـره بـخـيـر ويـبـشـر بطـيـبـة الـفــال
مـثــل الحـبـيـب الـلــي يـــداري حـبـيـبـه
ومـن قــال نحسبـهـا بــدولار ... وريــال
يـكـذب أمـامــه قـبــل .. بـكــذب خطـيـبـه
رجـالـنــا ... لادنــــدن الـطـيــب مــــوال
يــاكـــثـــر فــزعـــاتـــه ويـكـثـرطـيــبــه
لـه تستـوي الدنيـا .. علـى كــل الاحــوال
.حـتـى السماء...ونجـومـهـا لـــه قـريـبـه
وســـلام لـــك يـامـعـرب الـجــد والـخــال
كـلــك عـلــى بـعـضــك وقــــار وهـيـبــه
ولاهـي غريـبـه لـيـن جـاتـك مــن أنــذال
لـكـن تـجـي مــن بـعـض ربـعـك غـريـبـه
شعر : عبدالله بن حمير القحطاني ...
ليست هناك تعليقات:
إرسال تعليق